Armenier-RheinMain/Armenische Kirche

  • Willkommen

    Willkommen! Hier bekommen Sie Informationen über die Armenier und die Armenische Kirche sowie über das Gemeindeleben und die Aktivitäten unserer Gemeinden in RheinMain-Gebiet.
    Բարի գալուստ: Այս Կայքէջում կը ստանաք տեղեկութիւններ Հայութեան եւ Հայ Եկեղեցու, ինչպէս նաեւ Հռենոս/Մայն Երկրամասի համայնքային կեանքի եւ ձեռնարկների մասին:

  • Mitglied werden

  • Kontakt

  • Impressum

  • Պետրոս Դուրեան – “Լճակ“

    Լճակ

    Ինչո՞ւ ապշած ես, լըճա՛կ,
    Ու չեն խայտար քո ալեակք,
    Միթէ հալւոյդ մեջ անձկաւ
    Գեղուհի՞ մը նայեցաւ:

    Եւ կամ միթէ կը զմայլի՞ն
    Ալեակդ երկնի կապոյտին,
    Եւ այն ամպոց լուսափթիթ,
    Որք նմանին փրփուրիդ:

    Մելամաղձոտ լճա՛կ իմ,
    Քեզ հետ ըլլանք մտերիմ,
    Սիրեմ քեզի պէս ես ալ
    Գրաւիլ, լռել ու խոկալ:

    Որքան ունիս դու ալի՝
    Ճակատս այնքան խոկ ունի,
    Որքան ունիս դու փրփուր,
    Սիրտս այնքան խոց ունի բիւր:

    Այլ եթէ գոգդ ալ թափին
    Բոյլքն աստեղաց երկընքին,
    Նըմանիլ չես կրնար դուն
    Հոգւոյս` որ է բոց անհուն:

    Հոդ աստղերը չե՛ն մեռնիր,
    Ծաղիկներն հոդ չե՛ն թոռմիր,
    Ամպերը չե՛ն թրջեր հոդ,
    Երբ խաղաղ էք դու և օդ:

    Լըճա՛կ, դո՛ւ ես թագուհիս,
    Զի թ’հովէ մ’ալ խորշոմիս,
    Դարձեալ խորքիդ մէջ խռով
    Զիս կը պահես դողդղալով:

    Շատերը զիս մերժեցին,
    „Քնար մ’ունի սոսկ“ – ըսին.
    Մին` „դողդոջ է, գոյն չունի“ –
    Միւսն ալ ըսաւ. – „Կը մեռնի՛“:

    Ոչ ոք ըսավ. – „Հե՛ք տղայ,
    Արդեօք ինչո՞ւ կը մըխայ,
    Թերեւս ըլլայ գեղանի,
    Թէ որ սիրեմ, չմեռնի“:

    Ոչ ոք ըսաւ` – „Սա տղին
    Պատռե՛նք սիրտը տրտմագին,
    Նայինք ինչե՛ր գրուած կան…“
    – Հոն հրդեհ կայ, ո՛չ մատեան:

    Հոն կայ մոխի՛ր… յիշատա՛կ…
    Ալեակքդ յուզի՛ն թող, լըճա’կ,
    Զի քու խորքիդ մեջ անձկաւ,
    Յուսահատ մը նայեցաւ…

    Պետրոս Դուրեան (1851- 1871)